قیامت قریب آگئی اور چاند پھٹ گیا

قرآن مجید میں سورۃ قمر میں ارشاد باری تعالی ہے 

اِقۡتَرَبَتِ السَّاعَۃُ  وَ انۡشَقَّ  الۡقَمَرُ ﴿۱﴾

 قیامت قریب آگئی  اور چاند پھٹ گیا

اس سے صاف ظاہر ہے کہ واقعہ شق القمر ہوا ہے اور یہ قرب قیامت کی نشانی کے طور پر ہوا ہے

 لیکن کچھ لوگ کہتے ہیں کہ نبی کریم صلی اللہ علیہ والہ وسلم نے انگلی کے اشاے سے چاند کو دو ٹکڑے کیا تھا (جس کا کسی بھی حدیث کوئی ثبوت نہیں ملتا) لیکن اس واقعہ کی مکمل تفصیل  کو حافظ ابن کثیر نے تفسیر ابن کثیر میں تحریر کیا ہے کہ کفار مکہ آپ صلی اللہ علیہ والہ وسلم سے معجزہ طلب کرتے تھے۔

اس دن چودھویں کا چاند تھا آپ صلی اللہ علیہ والہ وسلم اور حضرت ابو بکر صدیق رضی اللہ تعالی عنہ میناء میں موجود تھے اور چاند دو لخت ہوا

( چاند کا ایک ٹکڑا حرا پہاڑ سے دائیں گیا اور دوسرا بائیں طرف) اور پھر ایک لمحہ کے بعد چاند یک لخت ہو گیا تو آپ صلی اللہ علیہ والہ وسلم نےحضرت ابو بکر صدیق رضی اللہ تعالی سے ارشاد فرمایا کہ

اے ابوبکر گواہ رہنا اب تو چاند بھی دو ٹکڑے ہو گیا اور قیامت قریب آ گئی

جب آپ مکہ پہنچے تو آپ نے کفار مکہ سے استفسار کیا کہ کیا آپ لوگوں نے بھی چاند کو دو ٹکڑے ہوتے  دیکھا تو انھوں نے کہا کہ ہم نے دو ٹکڑے دیکھا مگر یہ آپکی نظر بندی تھی ہم تو تب مانیں گے جب مکہ کے باہر سے آنے والا کوئی قافلہ اس کی گواہی دیگا اگلے دن ایک قافلہ آیا اور انھوں نے بھی گواہی دی کہ ہم نے بھی چاند کو دو ٹکڑے دیکھا۔

چاند کا دو ٹکڑے ہونا آدھی دنیا نے دیکھا ہو گا یعنی جہاں جہاں چاند آسمان پر چمک رہا تھا امریکہ اور یورپ والوں نے یہ نظارہ نہیں دیکھا۔ انتہا یہ کہ ہندوستان میں ملبار کے راجہ نے بھی یہ نظارہ دیکھا اور اپنے اہل علم سے استفسار کیا تو انھوں نے بتلایا کہ مکہ میں ایک نبی کا ظہور ہوا ہے شاید یہ اس کا معجزہ ہے تو اسکے بعد میں یہ ہندو راجہ مسلمان ہو گیا 

(حوالہ تفسیر ابن کثیر)

تخلیص:

انجینیئر نذیر ملک سرگودھا