اللہ اکبر کبیرا

اَللّٰہُ أَکْبَرُ کَبِیرًا وَالْحَمْدُ لِلّٰہِ کَثِیرًا وَسُبْحَانَ اللّٰہِ بُکْرَۃً وَاأَصِیلًا

سیدنا عبد اللہ بن عمر ‌رضی ‌اللہ ‌عنہما سے مروی ہے، وہ کہتے ہیں: ہم رسول اللہ ‌صلی ‌اللہ ‌علیہ ‌وآلہ ‌وسلم کے ساتھ بیٹھے ہوئے تھے، ایک آدمی نے یہ ذکر کیا:

اَللّٰہُ أَکْبَرُ کَبِیرًا وَالْحَمْدُ لِلّٰہِ کَثِیرًا وَسُبْحَانَ اللّٰہِ بُکْرَۃً وَأَصِیلًا،

آپ نے فرمایا: یہ کلمات کس نے کہے؟ اس آدمی نے کہا: جی میں نے،آپ نے فرمایا:

اس ذات کی قسم جس کے ہاتھ میں میری جان ہے! میں ان کلمات کی طرف دیکھ رہا تھا، یہ چڑھے جا رہے تھے، یہاں تک کہ اس کے آسمان کے لیے دروازے کھول دیئے گئے۔(مسند احمد 5446

آج کی خاص بات

ہمارے ہاں اکثر لوگ نوافل بیٹھ کر پڑھتے ہیں اور ان کا بیٹھ کر پڑھنا سنت سے ثابت نہیں الا عشاء کے وتروں کے بعد کے دو نفل آپ بیٹھ کر پڑھتے تھے لہذا یہ بیٹھ کر پڑھنا سنت ہے

لیکن عام حدیث ہے کہ بیٹھ کر نماز پڑھنے کا آدھا ثواب اور لیٹ کر پڑھنے کا چوتھائی ثواب۔

آج کی دعاء

اے اللہ تعالی ہماری جان، مال، ایمان، آبرو، روزی، رزق، علم، عمل، صحت، گھر بار، اھل و عیال، آل اولاد میں، کاروبار میں، دسترخوان، زندگی، عبادات، تقوی، اخلاص، اخلاق، سادگی، عاجزی، انکساری، عمر میں برکتیں، رحمتیں، وسعتیں، رفعتیں، عروج و بلندیاں عطا فرما۔

آمین ثمہ آمین یا رب العالمین۔

طالب الدعاء

انجینیئر نذیر ملک

Please visit us at www.nazirmalik. com