نپولیئن بونا پارٹ تاریخ کے آئینے میں

*نپولیئن بونا پارٹ تاریخ کے آئینے میں*

 تلخیص:

انجینیئر نذیر ملک سرگودھا

نپولیون فرانس کے جزیرے کارسیکا میں 15 اگست 1769 کو پیدا ہوا۔ فرانس کی ملٹری اکیڈمی میں داخلہ لیا۔ اس کی ہمدردیاں انقلاب فرانس کے ساتھ تھیں

مہمات

1795 میں اس نے پیرس  میں تشدد اور افراتفری پر قابو پایا۔ 1796-97 میں اٹلی  میں آسٹریا کی فوجوں کو شکست دی۔1798-99 میں وہ فوج لے کر مصر گیا۔ 1799 میں اسے پہلا کونسل بنا دیا جاتا ہے۔ 1804 میں اسے فرانس کا سمراٹ بنا دیا گیا۔1805 فرانسیسی فوج آسٹریا کو الم کے مقام شکست دیتی ہے نپولیون ویانا میں داخل ہوتا ہے اس کے بعد نپولیون روس اور آسٹرایا کی مشترکہ فوجوں کو آسٹرلٹس کے مقام پر شکست دی۔نپولیون اپنے بہن بھائیوں کو یورپ کے مختلف ملکوں کا اقتدار دے دیتا ہے۔ 1806 میں نپولیون جینا کے مقام پر پروشیا کو شکست دیتا ہے۔1807 میں نپولیون فرائیڑلینڈ کے مقام پر روس کو شکست دیتا ہے۔1808 سپین ميں کشمکش۔ 1809 میں نپولیون آسٹریا کو شکست دیتا ہے۔ 1812 میں روس کی ناکام مہم۔1813 میں نپولیون کو لیپزش کے مقام پر شکست ہوئی ہے۔1815 واٹرلو کے مقام پر نپولیون کو ایک اور شکست ہوئی۔1821 میں نپولیون سینٹ ہلینا کے جزیرے میں جلا وطن حالت میں مر جاتا ہے۔

پہلی عسکری مہمات

سب سے پہلی کامیابی تولون کے محاصرے (1793ء) میں حاصل کی، جہاں اُس نے توپخانے کو ایک ایسے مخصوص انداز میں استعمال کیا کہ اسی کی وجہ سے فیروزمندی حاصل ہوئی۔

اس کے بعد اطالیہ میں پے در پے فتوحات حاصل ہوئیں اور 1797ء تک وہ ایک قومی ہیرو بن گیا۔

نپولیون کی مصر پر لشکرکشی اور قبضہ

سلطنت خداداد میسور  میں، ٹیپو سلطان نے اکتوبر 1797 میں ایک  بار پھر فرانس سے عسکری مساعدت طلب کیں۔  نپولیون بوناپارٹ  مشرق وسطی میں فرانسیسی موجودگی اور نوآبادیاں بنانے کے خواہاں تھے ۔ اس نے ہندوستان میں برطانیوں کے خلاف ٹیپوسلطان کے ساتھ مل کر ایک عسکری مہم چلانا چاہ رہا تھا۔

نپولیون نے ’ڈائریکٹریٹ‘ (یعنی فرانس کی انقلابی  مجلس شوریٰ یا پارلیمان  کے اراکین کو یقین دلایا کہ "جیسے ہی وہ مصر پر فتح حاصل کر لے گا ، وہ ہندوستانی شہزادوں کے ساتھ تعلقات قائم کرے گا اور ، ان کے ساتھ مل کر انگریزوں کی ہندوستان میں تجارت پر حملہ کرے گا۔"

13 فروری 1798 کی ٹالیرانڈ‘ (نپولیون کا وزیر خارجہ) کی ایک رپورٹ کے مطابق نپولیون نے کہا:

"مصر پر قبضہ کرنے اور اپنی دفاعی مورچہ بندی کو مضبوط بنانے کے بعد ، ہم ٹیپو صاحب کی افواج میں شامل ہونے اور انگریزوں کو بھگانے کے لئے مصر کے خلیج سوئز سے 15،000 فرانسیسی سپاہیوں کی ایک دستے کو ہندوستان بھیجیں گے۔"

ڈائرکٹریٹ ، اگرچہ اس عسکری مہم کی وسعت اور قیمت سے پریشان تھی۔ ان مالی اعتراضات کے باوجود ،اراکین اس بات پر متفق ہوئے کہ فرانس کا مشہور جنرل فرانس کا اقتدار اور سیاست کامرکز پیرس سے جلد از جلد ہٹوا دیا جائے اس وہم سے کہ وہ حکومت پر اچانک قبضہ نہ کریں ۔ لہٰذا فرانسیسی دارالحکومت پیرس کی ڈائریکٹریٹ نے نپولیون کو مصر پر لشکرکشی کرنے کی اپنی منظوری دے دی۔

پیرس میں دو ماہ کی کےمنصوبہ بندی اور تیاری کے بعد ، فرانسیسی جنگی بیڑا جنوبی فرانس کی  بندرگاہ تولون سے روانہ ہوا۔ پانچویں صلیبی جنگ (1217–1221) کے بعد یہ پہلا موقع تھا جب کسی یوروپی سپاہ نے مصر پر حملہ کرنے کے لئے بحیرۂ روم کے سمندر کو عبور کیا تھا۔ یعنی تقریباً پانچ سو اسی سال کے وقفے کے بعد یوروپیوں نے آخر کار مصر پر حملہ کرنے کی ہمت کی۔

ُ

نپولیون بوناپارٹ کا مصر جاتے ہوئے سمندری بیڑا 9 جون 1798 کو بحیرۂ روم کا چھوٹا جزیرہ  مالٹا پہنچ گیا، جوصلیبی سپاہیوں کی تنظیم نائٹس ہاسٹلر کے زیر تھا۔ معمولی مقاومت کے بعد صلیبی تنظیم کا گرانڈ ماسٹر فرڈینینڈ نے ہتھیار ڈالا ، اور نپولیون بوناپارٹ اپنے صرف تین فرانسیسی سپاہی ہلاک ہونے کے نقصان کے ساتھ اس نے ایک اہم بحری اڈے پر پورا قبضہ کرلیا۔

نپولیون اور اس کی سپاہ یکم جولائی 1798 کو ایالت مصر کی بندرگاہ اسکندریہ پر اترا۔ فرانسیسی سپاہ نے مصر کا حاکم فوجی طبقہ مملوکوں کے خلاف فوراً شبرا کھیت کا معرکہ سر کیا۔ فرعون کے زمانے سے بنائے ہوئے پیرامڈز سے 24 کلومیٹر (15 میل) دور ، 21 جولائی 1798 کو لڑا گیا ’پیرامڈس کا معرکہ‘ فرانسیسیوں نے جیت لیا۔ دونوں عساکر تعداد میں برابر تھے۔ 25،000 سپاہیوں پر مشتمل جنرل بوناپارٹ کی فرانسیسی فورسز نے گھڑسواروں پر مشتمل مصری مملوکوں کے خلاف جنگ کی ۔ تقریباً 2 ہزار مصری جوان اس معرکے میں مقتول ہوئے تھے۔ اس کے مقابلے میں صرف انیس فرانسیسی سپاہی مقتول ہوئے۔ اس فیروزمندی سے فرانسیسی سپاہ کے حوصلے بلند ہوئے۔ نپولیون ایک ہی بڑے معرکے کے بعد پورا مصر کا حکمران بن گیا۔

یکم اگست 1798 کو برطانوی ایڈمرل سر ہوریٹیو نیلسن کےماتحت  برطانوی بیڑے نے بحیرۂ روم میں فرانسیسی پوزیشن کو ناتواں بنانے کے لئے بوناپارٹ کے بیڑے کو معرکۂ دریائے نیل میں غرق کر دیا۔ برطانیوں نے فرانسیسی جہازوں کو یا تو اپنی گرفت میں لے لئے یا تباہ کردیے تھے۔ صرف دو فرانسیسی جنگی جہاز اس بحری معرکے سے بچ گئے۔

نپولیون اب مصر کے اراضی میں اگرچہ بار بار بغاوتوں کا سامنا کرنا پڑا۔

1799 کے اوائل میں ، نپولیون نے ایک دستے کے ساتھ سلطنت عثمانیہ کا صوبہ شام کےشہر دمشق  میں منتقل کردیا۔ بوناپارٹ نے فلسطین کے ساحلی شہروں عریش  غزہ ، یافا اور حیفا کا قبضہ کرنے میں دستے کے 13،000 فرانسیسی سپاہیوں کی قیادت کی۔ یافا پرفرانسیسیوں کا حملہ خاصا سفاک تھا۔ بوناپارٹ نے دریافت کیا کہ یافا کا محاصرہ میں شہرکی دفاع کرنے والے کے بہت سارے مسلمان مدافعین سابق جنگی قیدی تھے۔ فرانسیسیوں نے ان سب کو محاصرۂ یافا سے قبل اپنے قید سے رہا کر دیے تھے۔ لہٰذا گولیوں کو بچانے کے لئے نپولیوں نے گیریژن کے 1،400 اسیر کو بندوقوں پر لگائے ہوئے تیز چاقو سے یا سمندر کے پانی میں ڈوبنانے سے پھانسی دینے کا حکم دیا۔

محاصرۂ یافا کے ختم ہونے کے بعد فرانسیسیوں نے شہر کے ہر مرد، عورت اور طفل کو تین دن کے دوران قتل کر دیا۔

بوناپارٹ نے فلسطین اور  شام میں عسکری مہم 13،000 سپاہیوں کے دستہ سے آغاز کیا۔ 1،500 کی لاپتہ ہونے کی اطلاع ملی ، 1،200 محاربہ میں مقتول ہوگئے ، اور ہزاروں افراد بیماری سے فوت ہوگئے، زیادہ تر کالے طاعون سے۔

وہ محاصرۂ  عکا  میں احمد پاشا الجزار کے فورسز کو سر کرنے میں ناکام رہا ، چنانچہ اس نے اپنی سپاہ کو مئی 1799 میں وآپس مصر منتقل کیا۔ مصر سے انخلا کو تیز کرنے کے لئے،بوناپارٹ  نے طاعون سے متاثرہ فرانسیسی سپاہیوں کو افیون سے زہر آلود کرنے کا حکم دیا۔ افیون سے مرنے والوں کی تعداد متنازعہ ہے ، جس کا نمبر 30 سے 580 سپاہیوں تک ہے۔

نپولیون وآپس یورپ میں اور پہلا دورِ اقتدار

جولائی 1799 میں بوناپارٹ نے برطانیوں کے بحری جہازوں پر سوار ہوکے مصر میں آنے ولے سلطنت عثمانیہ کا لشکر کو معرکۂ ابوقیر میں شکست دی۔ اس معرکے میں فرانسیسیوں کے صرف 220 افراد مقتول اور 600 مجروح ہوئے جب کہ عثمانیوں کے نقصانات بہت زیادہ تھے: میدان جنگ میں 2،000 عثمانی مقتول ہوئے ، 4،000 مرد ڈوب گئے ، اور 1،500 اسیر بن گئے

مصر میں مقیم ہوتے ہوئے ، بوناپارٹ یورپی امور سے آگاہ رہا۔ اسے معلوم ہوا کہ دوسرے ائتلاف کی جنگ میں فرانس کو کئی شکستوں کا سامنا کرنا پڑا تھا۔ 24 اگست 1799 کو انہوں نے فرانسیسی ساحلی بندرگاہوں سے برطانوی بحری جہازوں کی عارضی طور پر روانگی کا فائدہ اٹھایا اور فرانس کے لئے روانہ ہوا، اس حقیقت کے باوجود کہ انہیں پیرس سے کوئی واضح احکامات موصول نہیں ہوئے۔ مصر میں فرانسیسی سپاہ جنرل ژان باپٹسیٹ کلیبر کے زیر اقتدار رہ گئی تھی۔

1799ء میں فرانسیسی سپاہ کے کاروندوں نے اتفاقاً سنگ رشید کو دریافت کیا۔

طویل مدت کے لئے ، مصر میں فرانسیسی موجودگی کو برقرار رکھنا ناممکن تھا۔ کلیبر نے 18 مارچ 1800 کو ہیلیئوپولس کا معرکہ میں اپنی فیروزمندی کی بدولت ملک پرفرانسیسی  حکمرانی قائم رکھا ،لیکن ایک ماہ سے بھی کم عرصے کے بعد اسے مصری شہر  قاہرہ میں اپنے باغ میں دینییات کے ایک طالب علم نےاسے قتل کردیا۔ کلیبر کے جانشین، مینو، جنگی رہنمائی کی صلاحیتوں کی کمی کے باعث، معرکۂ اسکندریہ میں برطانیوں سے شکست کھائی اور 2 ستمبر1801 کو ہتھیار ڈال دیۓ۔ برطانوی بحری جہازوں کے ذریعے فرانسیسی سپاہ وآپس فرانس منتقل ہوئی

بوناپارٹ نے نومبر 1799ء میں عسکری انقلاب کا چال چلایا اورفرانس کی جمہوری حکومت کا تختہ الٹ کر خود ’قونصلِ اول‘ بن گیا۔

اس وقت معلوم ہوا کہ نپولیون صرف عسکری اعتبار سے بہت بڑا آدمی نہیں، بلکہ انتظامِ حکومت اور قانون سازی میں بھی مثال نہیں رکھتا۔ چنانچہ اس نے حکومت کی ابتری کو دور کرکے امن و انتظام قائم کیا، مالیات کے نظام نیز عدالتوں کی اصلاح کی، تعلیم کو عام کرنے کا بندوبست کیا اور فرانسیسی قوانین کی باقاعدہ تدوین کرائی۔

1802 میں امن کے امن کے بعد ، نپولیون نے فرانس کی مستعمرات کی طرف اپنی توجہ مبذول کروائی۔ اس نے شمالی امریکہ  کا لوزیانا کاعلاقہ

ریاستہائےامریکہ متحدہ کو فروخت  کر دیا اور اس نےفرانسیسی جزائرغرب الہند کے مستعمرات میں غلامی بحال کرنے کی کوشش کی۔ تاہم ، جب وہ مشرقی کیریبین میں غلامی کی بحالی میں کامیاب رہا ، نپولیون سینٹ ڈومنگیو کی نوآبادی کو محکوم بنانے کی کوششوں میں ناکام رہا ، اوروہ نوآبادی جو فرانس میں "جزائرغرب الہند کی موتی " کے طور پر ایک دفعہ فخر کے ساتھ مانی جاتی تھی 1804 میں ہیٹی کے نام سے آزاد ہوگئی تھی۔

نپولیون کے عزائم اور عوامی منظوری نے اس کو 1804 میں فرانسیسیوں کا پہلا سمراٹ بنا دیا۔ انگریزوں کے ساتھ حل ناپذیر اختلافات کا مطلب یہ تھا کہ فرانسیسیوں کو 1805 تک تیسرا ائتلاف کا سامنا کرنا پڑا۔ نپولیون نے اولم مہم میں فیصلہ کن فتوحات کے ساتھ اس ائتلاف کو توڑ ڈالا۔ اور آسٹرلٹز کا معرکہ میں روسی داوری اور آسٹریا کی داوری پر ایک تاریخی فتح پائی جس سے مقدس رومن داوری کا خاتمہ ہوا۔

بوناپارٹ نے نومبر 1799ء میں عسکری انقلاب کی چال چلی اورفرانس کی جمہوری حکومت کا تختہ الٹ کر خود ’قونصلِ اول‘ بن گیا۔

نپولیون نے فرانسیسی و ایرانی اتحاد تشکیل دیا اور اینگلو میسور جنگیں کے دوران فرانسیسی تربیت یافتہ فوج فراہم کرکے مسلم ہندوستان کے ٹیپو سلطان کے ساتھ فرانس و میسورکا اتحاد کو دوبارہ قائم کرنا چاہتا تھا ، جس کا مسلسل مقصد یہ تھا کہ اس کو ہندوستان میں انگریز پر حملہ کرنے کے لئے راستہ حاصل ہو ۔ 1806 میں، چوتھے ائتلاف نے ان کے خلاف ہتھیار اٹھائے کیونکہ فرانس کے یورپ میں توسیع کے بارے میں پروشیا پریشان ہو گیا تھا۔ نپولیون نے جینا اور آوورسٹید کے معرکے میں پروشیا کو جلدی سے شکست دی ، پھر اپنے گرینڈ آرمی کو مشرقی یورپ کا عُمُق میں مارچ کیا اور جون 1807 میں فریڈ لینڈ کا معرکہ میں روسی سپاہ کو فنا کردیا۔ اس کے بعد فرانس نے چوتھے ائتلاف کی شکست خوردہ اقوام کو جولائی 1807 میں یورپ میں ایک بے چین امن لانے کے لئے ، تلسیٹ کے معاہدوں پر دستخط کرنے پر مجبور کیا۔

 تلسیٹ نے فرانسیسی داوری کے اوج کی نشاندہی کی۔ 1809 میں ، آسٹریا اور برطانویوں نے پانچویں ائتلاف کی جنگ کے دوران فرانسیسیوں کو ایک بار پھر چیلینج کیا ، لیکن جولائی میں واگرام کک معرکہ میں فتح حاصل کرنے کے بعد نپولیون نے یورپ پر اپنی گرفت مضبوط کرلی۔

اس کے بعد نپولیون نے جزیرہ نما آئبیریا پر قبضہ کیا ، اس امید کے تحت کہ وہ اپنی کانٹنینٹل سسٹم کو توسیع دے اور یورپی سرزمین کے ساتھ برطانوی تجارت کو ختم کردے ، اور اس نے اپنے بھائی جوزف بوناپارٹ کو 1808 میں ہسپانیہ کا بادشاہ قرار دیا۔ ہسپانوی اور پرتگالیوں نےبرطانوی  حمایت سے بغاوت کی۔  جزیرہ نما آئبیریا کی جنگ چھ سال تک جاری رہی ، جس میں گوریلا جنگ شامل تھی ، اور 1814 میں فرانس کے خلاف اتحادیوں کی فتح میں ختم ہوگئی۔

ہسپانیہ میں گوریلا جنگ کی وجہ سے جنوبی امریکہ میں ہسپانوی مستعمرات ایک کے بعد دوسرے بغاوت کرنے لگ گئے جو سائمن بولیوار نے ہسپانیوں کے خلاف جنگِ آزادی کی صورت میں تبدیل کر کے جنوبی آمریکہ کے تمام ہسپانوی مستعمرات کو آزادی دلائی۔

1810ء میں وارثِ تخت حاصل کرنے کے لیے اس نے بے اولاد بیوی  جوزیفین کو طلاق دے کر آسٹریا کے بادشاہ کی بیٹی ’ماریا لویسا‘ سے شادی کر لی۔

کانٹنینٹل سسٹم فرانس اور اس کے مؤکل ریاستوں بالخصوص روس کے مابین بار بار سفارتی تنازعات کا باعث بنا۔ روسی کم تجارت کے معاشی انجام کوبرداشت  کرنے کو تیار نہیں تھے اور نپولیون کو ایک اور جنگ میں راغب کرنے کے لئے ، کانٹنینٹل سسٹم کی معمول کی خلاف ورزی کرتے تھے۔ فرانسیسیوں نے 1812 کے موسم گرما میں روس پر ایک بڑی لشکرکشی کی۔ اس مہم نے روسی شہر تباہ کردیئے گئے ، لیکن نپولیون کو مطلوبہ فیصلہ کن فتح حاصل نہیں ہوئی۔ اس لشکر کشی سے گرینڈ آرمی کا زوال آیا اور اس نے فرانس کے دشمنوں کو نپولیون کے خلاف ایک نئے سرے سے دباؤ ڈالنے کا موقع ملا۔

1813 میں ، فرانس کے خلاف چھٹےائتلاف کی جنگ میں پروشیا اور آسٹریا اور روسی عساکر شامل ہوگئے۔ 13 اکتوبر 1813 میں لائپزگ کے معرکے میں ایک طویل المیعاد عسکری ائتلاف نے نپولیون کو شکست دی ، لیکن ہاناؤ کا معرکہ میں اس کی حکمت عملی سے معمولی فتح ہوئی جو فرانس کو وآپس اپنی سرزمین پر پسپائی اختیار کرنے کا موقع دیا۔ 

اس کے بعد اتحادیوں نے فرانس پر حملہ کیا اور 1814 کے موسم بہار میں پیرس پر قبضہ کرلیا ، اور اپریل میں نپولیون کو تخت چھوڑنے اور جلاوطنی اختیار کرنے پر مجبور کیا۔ اسے تسکانی کے اطالوی ساحل سے دور جزیرۂ ایلبا میں جلاوطن کردیا گیا ، اور بوربن شاہی خاندان کو دوبارہ اقتدار میں لایا گیا۔

نپولیون کا دوسرا دورِ اقتدار

فروری 1815 میں نپولیون ایلبا سے فرار ہوگیا اور اس نے ایک بار پھر فرانس کا آمر بن کر کنٹرول سنبھال لیا۔ اتحادیوں نے اس کے جواب میں ایک ساتویں ائتلاف تشکیل دیا جس نے اسے 18 ویں جون 1815ء کو واٹرلو کا معرکہ میں پروشیا کا جنرل بلوشر اور برطانیہ کا جنرل ویلنگٹن نے اسے حتمی شکست دی۔

انگریزوں نے انہیں جنوبی بحرِ اوقیانوس  کے دور افتادہ جزیرے  سینٹ ہیلینا میں جلاوطن کردیا ، جہاں وہ چھ سال بعد 51 سال کی عمر میں وہیں 5 مئی 1831ء کو فوت ہوگیا۔

زمانۂ حال ان لاتعداد علاقوں کو جن پر نپولیون نے پہلے فتح کیا تھا اور قابو پایا، وہاں اس کے اثر و رسوخ سے آزاد فکری اصلاحات لائی گئیں ، جیسے  نیدرلینڈز ، سوئٹزرلینڈ،

 اطالیہ اور جرمنی۔ انہوں نے فرانس اور پورے مغربی یورپ میں بنیادی لبرل پالیسیاں نافذ کیں۔ اس کے نپولیون کوڈ نے دنیا بھر کی 70 سے زیادہ اقوام کے قانونی نظاموں کو متاثر کیا ہے۔ برطانوی مؤرخ اینڈریو رابرٹس کا کہنا ہے کہ:

"وہ نظریات جو ہماری جدید دنیا یعنی میرٹ پرستی، قانون کے سامنے مساوات، املاک کے حقوق، مذہبی رواداری، جدید سیکولر تعلیم، ٹھوس مالیات، نپولیون کی جداگانہ ، مستحکم اور متنوع حمایت کے ذریعے اسے جغرافیائی توسیع ملے۔ ان کے ساتھ انہوں نے ایک عقلی اور موثر مقامی انتظامیہ، دیہی ڈاکوؤں کا خاتمہ، سائنس اور فنون کی حوصلہ افزائی ،جاگیرداری کے خاتمے ,اور رومن داوری کے خاتمے کے بعد سے قوانین کے سب سے بڑے ضوابط کو تشکیل دی۔

*نپولیئن بونا پارٹ سے سیاسی انتقام*

نپولین بونا پارٹ زندگی کے آخری ایام جیل میں گزار رہا تھا۔

اعلٰی پائے کے کچھ صحافیوں کو اُس سے ملاقات کی اجازت مل گئی۔ جیل پہنچے تو دیکھ کر دنگ رہ گئے کہ نپولین جیسی شاندار اور مشہور شخصیت کو ایک بہت ہی چھوٹا سا کمرہ جس میں ایک چھوٹی سی میز، ایک لکڑی کی ٹوٹی ہوئی کرسی اور زمین پر پڑا ایک گدا بطور بستر دیا گیا تھا۔

کرسی پر بیٹھا نپولیئن سامنے میز پر پڑے کاغذ کے ٹکرے پر کچھ لکھ رہا تھا۔ صحافیوں کی آنکھوں میں آنسو آ گئے اور ایک صحافی جذباتی انداز میں بولا

"آپ جیسے عالمی معیار کی شخصیت کیساتھ یہ سلوک عالمی قوانین کی خلاف ورزی ہے!

آپ اپنا احتجاج قلمبند کروائیں، ہم وعدہ کرتے ہیں کہ اِس معاملے کو عالمی سطح پر اجاگر کریں گے"

نپولین مسکرایا اور وہ الفاظ کہے جو آج تک اُس کی شان کی گواہی دیتے ہیں

 

*"بادشاہ احتجاج نہیں کرتے ! یا حکم دیتے ہیں یا پھر خاموش رہتے ہیں اور مٙیں اِس معاملے میں خاموش رہنا پسند کرونگا "*

صحافی لکھتا ہے کہ مٙیں واپسی پر یہ سوچتا رہا کہ بڑے لوگ بلاوجہ بڑے نہیں بن جاتے!

اُن کی شخصیت اور خمیر میں ضرور کوئی ایسی بات ہوتی جو اُنہیں عام لوگوں سے منفرد بناتی ہیں۔

ایک بات سمجھ میں بخوبی آئی کہ ماضی میں بھی سیاسی انتقام لیۓ جاتے رہے ہیں لیکن بڑے لیڈر امر ہو جاتے ہیں مگر سیاسی انتقام لینے والوں کا تاریخ میں ذکر تک آتا۔

تاریخ کے جھروکوں سے

تلخیص:

انجینیئر نذیر ملک سرگودھانپولیئ

ایک سینیئر سٹیزن۔