بدعت کیا ہے

* بدعت کیا ہے*

10 فروری 2021

انجینیئر نذیر ملک سرگودھا

دین اسلام میں بدعت وہ غیر مرعی ناسور ہے جس نے دین کی اصل بگاڑ کر رکھ دی ہے اور مسلمان بے خبری میں خوشی سی بدعات کو نیکی سمجھ کر کیۓ جا رہے ہیں اور اپنے اعمال برباد کر رہے ہیں۔

*بدعت کی تعریف*

بدعت دین میں هر اس عمل کو کہتے ھیں جس کی کتاب و سنت میں کوئی اصل موجود نه هو یعنی جس عمل کے کرنے کا نہ اللہ تعالی نے حکم دیا ہو اور نہ ہی رسول اللہ صلی اللہ علیہ و آلہ وسلم نے یہ عمل کیا ہو اور نہ ہی اسکی اجازت دی ہو اور لوگ اسے نیکی سمجھ کر کریں۔

یاد رہے بدعت فقط دینی احکام میں اضافے کو کہیں گے جبکہ دنیاوی کاموں میں بدعت نہ کہیں گے بلکہ جدت کہیں گے اسکی کوئی ممانعت نہیں بلکہ یہ دنیاوی لحاظ سے انسانی ترقی ہے۔ جیسے موبائل فون اور ہوائی جہاز نبی کریم صلی اللہ علیہ والہ وسلم کے زمانہ میں نہیں تھے لیکن آج یہ وقت کی اہم ضرورت ہیں اور یہ جدید دور کی سائینسی ترقی اور ایجادات ہیں اس کو بدعت گرداننا جہالت ہے

اکثر لوگ اس مغالطہ میں مارے جاتے ہیں کہ اس کام کو منع تو نہیں کیا گیا جبکہ دیکھنا یہ چاہیۓ کہ کیا دین میں اس عمل کی اجازت اللہ تعالی نے یا رسول اللہ صلی اللہ علیہ والہ وسلم نے دی ہے؟؟

صرف دینی کاموں میں بدعت کہیں گے اور اسی کی ممانعت ہے اور اسی کو ضلالہ یعنی گمراہی کہا گیا ہے

فرمان نبوی صلی اللہ علیہ والہ وسلم ہے۔

کُلُّ مُحْدَثَة بِدْعَة وَکُلُّ بِدْعَة ضَلَالَة فِی النَّارِ

ترجمہ:

دین میں ہر اضافہ گمراہی ہے اور ہر گمراہی آگ میں ڈالی جاۓ گی۔

*بدعت کے منفی اثرات*

یاد رہے کہ بدعتی شخص بدعت کو نہیں چھوڑتا کیونکه وه اسے نیکی سمجھ کر کر رھا ھوتا ھے۔

جب ایک بدعت جنم لیتی ھے تو رسول الله کی ایک سنت فوت ھو جاتی ھے

فرمان نبوی ھے که

جس نے میری ایک سنت کو زنده کیا اسے سو شھیدوں کا ثواب (حدیث)

یاد رھے جو عمل سنت کے مطابق نه ھوگا وه الله تعالی کے ھاں ھرگز قابل قبول نه ھوگا سنت معیار ھے مقبولیت نیک اعمال کا.

الدعاء

یا الله تعالی همیں سنت نبوی صلی اللہ علیہ والہ وسلم پر عمل کی توفیق عطا فرما اور بدعات سے محفوظ فرما۔

آمین یا رب العالمین