جنت کے وارث مومنین کی دس خوبیاں
*جنت کے وارث مومنین کی دس خوبیاں*
جمعرات 20 مئی 2021
انجینیئر نذیر ملک سرگودھا
ہر شخص جنت میں جانے کی خواہش رکھتا ہے مگر اللہ تعالی جنت میں داخلے کی آزمائش شرط رکھتا ہے
فرمان ربانی ہے
کیا جنت میں ایسے ہی داخل کر دیۓ جاؤ گے اور آزماۓ نہ جاؤ گے(القرآن)
قرآن مجید فرقان حمید سورۃ المومنؤن1تا 10
میں اللہ تعالی نے جنتی کی دس خوبیاں بیان کی ہیں
اگر آپ اپنے اندر یہ دس خوبیاں پیدا کرلیں، تو جنت فردوس آپکی ہوئی۔
1۔ یقیناً ایمان والوں نے فلاح حاصل کر لی۔
2۔ جو اپنی نماز میں خشوع کرتے ہیں۔
3۔ جو لغویات سے منہ موڑ لیتے ہیں۔
4۔ جو زکوۃ ادا کرنے والے ہیں۔
5۔ جو اپنی شرم گاہوں کی حفاظت کرنے والے ہیں۔
6۔ بجز اپنی بیویوں اور ملکیت لونڈیوں کے یقیناً یہ ملامتیوں میں سے نہیں ہیں۔
7۔ جو اس کے سوا کچھ اور چاہیں وہی حد سے تجاوز کر جانے والے ہیں۔
8۔ جو اپنی امانتوں اور وعدے کی حفاظت کرنے والے ہیں۔
9۔ جو اپنی نمازوں کی نگہبانی کرتے ہیں
10۔ یہی وارث ہیں۔
*جو فردوس کے وارث ہونگے جہاں وہ ہمیشہ رہیں گے*
ایک حدیث شریف میں روایت ہے کہ رسول اللہ صلعم نے فرمایا کہ جس نے دس مرتبہ سورۃ اخلاص پڑھی اس کا جنت میں گھر ہوگا۔
لیکن اللہ تعالی کی ندا بھی اس سلسلے میں یاد رہے
*کیا جنت میں ایسے ہی داخل کر دیۓ جاؤ گے اور آزماۓ نہ جاؤ گے(القرآن*
جنت کی امید سب رکھتے ہیں مگر عمل سے غافل۔
نماز پڑھتے نہیں
قرآن پڑھتے نہیں
سچ بولتے نہیں
حلال کھاتے نہیں
خلوتیں پاک رکھتے نہیں
نگاہیں نیچی رکھتے نہیں
شرم گاہوں کی حفاظت کرتے نہیں
اپنی زبانوں کو کنٹرول میں رکھتے نہیں
اللہ تعالی کے احکام مانتے نہیں
رسول اللہ صلی اللہ علیہ والہ وسلم کی سنتوں پر عمل کرتے نہیں
دوسروں کا حق غصب کرتے ہیں۔
*خواتین و حضرات!*
ایک بار اپنی سرچ ہسٹری تو چیک کرلیں۔
اور پھر ایمانداری سے بولیں کہ کیا آپ جنت کے حقدار ہیں ہیں؟؟؟
*شفاعت رسول صلی اللہ علیہ والہ وسلم*
امت محمدی پر میرے رب کا احسان ہے کہ نبی کریم صلی اللہ علیہ والہ وسلم صاحب شفاعت نبی ہیں مگر ہماری جھولی بھی نیک اعمال سے خالی نہ ہو وگرنہ پیارے نبی کریم صلی اللہ علیہ والہ وسلم کو ہم کس منہ سے شفاعت کی درخواست کریں گے؟
*الدعاء*
یا اللہ ہم تیرے آخری نبی کی امت ہیں۔اپنےگناہوں کی معافی مانگتے ہیں
یا اللہ ہمیں سچا مومن بنا اور جنت الفردوس کا وارث بنا دے۔
آمین یا رب العالمین
Please visit us at www.nazirmalik. com
تبصرے