Engineer Nazir Malik

اے عقل و دانش والے لوگو! شہروں کا لاک ڈاؤن کرنا کرونا وائرس سے زیادہ نقصان دہ اور خطرناک ہے۔ کرونا وائرس سے تو بچا جا سکتا ہے مگر بھوک سے بچنا مشکل ہے کیونکہ بھوک میں ہر جرم چھپا ہے۔ بے روزگاری سب سے زیادہ خطرناک وائرس ہے اگر کاروبار نہ ہو گا تو جمع پونجی کب تک چلے گی؟ موجودہ پاکستانی حکومت خودساختہ سائینس دانوں کی ٹیم ہے جو اپنے آپ کو عقل کل سمجھتے اور حقیقت میں کچھ نہیں سمجھتے۔ حکمرانوں کا مقصد حیات فقط اپنے سیاسی مخالفین کو لاک ڈاؤن اور قرنطین کرنا ہے اس کے علاوہ ان کا کوئی ایجنڈا نہیں۔ یہ حلواہ پکاؤ اور حلوا کھاؤ لوگ ہیں۔ جب یہ حکومت جاۓ گی تو پاکستان تباہی کے دھانے پر کھڑا ہو گا اور ملک کا کوئی سیاستدان حکومت چلانے کو تیار نہ ہو گا۔ کیونکہ معاملات اتنے بگڑ چکے ہونگے کہ جن کا تدارک ممکن نہ ہو گا۔ اس وقت وطن عزیز گہری کھائی میں گر رہا ہے اور نا تجربہ کار لوگ اپنے اپنے خیالی تجربات کر رہے ہیں۔ کوئی ہم سے پوچھے کہ کاروبار ختم کیسے ہوتا ہے؟ کاروباری خسارہ کیا ہوتا ہے؟ سچ تو یہ ہے موجودہ حکومت کی طفلانہ پالیسیوں کی وجہ سے کاروباری طبقہ عرش سے فرش پر آ گیا ہے مگر حکومت کے آئن سٹائن تجربے...

اے میرے وطن کے نوجوان نبی کریم صلی اللہ علیہ والہ وسلم کا فرمان ہے کہ جس کا اخلاق اچھا اس کا ایمان اچھا۔ ہمیشہ اپنی زبان اور اخلاق کا معیار قائم رکھیں۔ آپکی قابلیت آپکی بول چال اور تحریروں میں نظر آنی چاہیۓ۔ یاد رہے کہ عام طور پر بولے جانے والے الفاظ اکثر غلط بھی ہوتے ہیں انکو درست تحریر کیجیئے اور اپنی تحریروں میں اچھےالفاظ کا چناؤ کیجیئے کوئی بھی زبان سیکھے بغیر نہیں آتی لہزا زبان کو علم سمجھ کر سیکھیں۔ آپ اپنے پیغامات اردو میں لکھیں یا انگریزی میں لکھیں مگر رومن انگلش میں اپنے پیغامات لکھنے سے اجتناب کریں کیونکہ اس سے قاری کے لئے پڑھنے اور سمجھنے میں دقت ہوتی ہے اپنی زبان کو فروغ دیں یا پھر دوسری زبان مکمل سیکھیں طالب الدعاء انجینیئر نذیر ملک سرگودھا Please visit us at www.nazirmalik.com

سمارٹ لاک ڈاؤن غریب جائیں تو جائیں کہاں۔ حکومت عوام کی ضروریات کو کیوں نظر انداز کر رہی ہے۔ کیا حکومتی مشیروں کو یہ بھی پتا نہیں کہ بزنس کمیونٹی کے لئے عید کے دس ایام بڑی کاروباری اہمیت رکھتے ہیں؟ عید کے موقع پر خاص طور پر چھوٹے دوکاندار سال بھر کی روزی روٹی کما لیتے ہیں۔ بچوں کےلئے خریداری عیدین پر ہی ہوتی ہے۔ عوام دشمن حکومت غریبوں کا کاروبار بند کر کے انھیں فاقہ کشی پر مجبور کر رہی ہے۔ حقیقت حال یہ ہے کہ غریب اگر گھر پر بیٹھیں تو بھوک سے مرتے ہیں اور اگر باہر نکلتے ہیں تو کرونا سے مرتے ہیں۔ بلبل کو خدا گل دے یا پردہ نشیں کر دے بے زر کو خدا زر دے یا زیر زمیں کر دے یا اللہ تعالی ہم پر اپنا خاص رحم فرما اور عقلمندوں کو ہمارا حکمران مقرر فرما۔ اے رزاق ہمارے رزق میں برکت عطا فرما اور ہمیں ہر قسم کی بیماریوں سے محفوظ فرما اور ہمارے بیماروں کو صحت کامل عاجلہ عطا فرما۔ آمین یا رب العالمین طالب الدعاء انجینیر نذیر ملک سرگودھا Please visit us at www.nazirmalik.com

اپنے مسلک کو چھوڑو نہ اور دوسروں کے مسلک کو چھیڑو نہ یہ جملہ اسلام کی منشا اور مزاج کے خلاف ہے کیونکہ اگر ہم اس پر عمل کریں تو تبلیغ دین کا کام رک جاۓ گا پھر تو ہر کوئی اپنے دین و عقیدہ پر پختہ ہو جاۓ گا چاہے وہ خطا پر ہی کیوں نہ ہو اور اس طرح اپنے آپ کو برحق مانتے ہوۓ حق کی تلاش کون کرے گا؟ دلائل۔۔۔ نبی کریم نے فرمایا حکمت مومن کی کھوئی ہوئی میراث ہے جہاں سے ملے لے لو۔ ایک اور مقام پر فرمایا دوسرے مذاہب کی خوبی عین اسلام ہے۔ دعوت قرآن اے عقل و دانش والو میری آیات پر غور کیوں نہیں کرتے(القرآن جو لوگ عقل سے کام نہیں لیتے وہ حیوان ہیں بلکہ حیوانوں سے بد تر ہیں(انعام الدعاء یا اللہ تلاش حق کےلئے ہمیں دین سیکھنے، سیکھانے اور اس پر عمل کرنے والا بنا دے۔ آمین یا رب العالمین طالب الدعاء انجینیئر نذیر ملک سرگودھا Please visit us at www.nazirmalik. com

*ایک جانور کی قربانی ایک گھرانے کی طرف سے کافی ہے* _______________________ *مقبول احمد سلفی* اسلامک دعوۃ سنٹر شمالی طائف(مسرہ) قربانی سنت مؤکدہ ہے اور اس کی بڑی تاکید آئی ہے ، جسے قربانی کی وسعت ہو اسے قربانی کرنا چاہئے ۔ بہت سے لوگ قربانی کے مسائل نہیں جانتے اس وجہ سے پریشانی بھی ہوتی ہے اور قربانی میں غفلت وسستی بھی ۔ یہاں میں بتلانے جارہاہوں کہ ایک بکرا یا بکری گھر کے تمام افراد کی طرف سے کافی ہے ۔ ہمارے یہاں رواج یہ ہے کہ ایک جانور ایک آدمی کے طرف سے ہی دیا جاتا ہے اور گھروں میں ایک سال باپ کی طرف سے ، دوسرے سال ماں کی طرف سے ، تیسرے سال بیٹے کی طرف سے ، چوتھے سال بیٹی کی طرف سے ۔ اس طرح قربانی کا رواج چلتا ہے جبکہ ہمیں معلوم ہونا چاہئے کہ ایک بکرے کی قربانی میں گھر کا سرپرست یعنی باپ کے ساتھ ،اس کی بیوی اور بچے سب شامل ہوسکتے ہیں ۔ یہ عمل رسول اللہ ﷺ، صحابہ کرام اور تابعین وتبع تابعین سے ثابت ہے ۔ گویایہ بات متحقق ہے کہ ایک قربانی پورے ایک فیملی ممبرس کے لئے کافی ہے ، اس کے لئے سب سے پہلے یہ جاننا ضروری ہے کہ ایک گھرانہ کسے کہتے ہیں ؟ ۔ اس بارے میں علمائے کرام کے چار اقوال ہیں ...

خود کو قرآن مجید میں ڈھونڈیں. انتہائی​ دلچسپ اور سبق آموز ميں قرآن ميں کہاں ہوں ؟ ------- ایک درویش صفت مومن ايک دن کہیں بيٹھے ہوئے تھے کہ کسی نے يہ آيت پڑھی لَقَدْ أَنزَلْنَا إِلَيْكُمْ كِتَابًا فِيهِ ذِكْرُكُمْ أَفَلَا تَعْقِلُونَ (سورۃ انبياء 10) (ترجمہ) ”ہم نے تمہاری طرف ايسی کتاب نازل کی جس ميں تمہارا تذکرہ ہے، کيا تم نہيں سمجھتے ہو“۔ وہ چونک پڑے اور کہا کہ ذرا قرآن مجيد تو لاؤ۔ اس ميں، ميں اپنا تذکرہ تلاش کروں، اور ديکھوں کہ ميں کن لوگوں کے ساتھ ہوں، اور کن سے مجھے مشابہت ہے؟ انہوں نے قرآن مجيد کھولا، کچھ لوگوں کے پاس سے ان کا گزر ہوا، جن کی تعريف يہ کی گئی تھی كَانُوا قَلِيلًا مِّنَ اللَّيْلِ مَا يَهْجَعُونَ o وَبِالْأَسْحَارِ هُمْ يَسْتَغْفِرُونَ o وَفِي أَمْوَالِهِمْ حَقٌّ لِّلسَّائِلِ وَالْمَحْرُومِ ِ (الذريٰت-17،18،19) (ترجمہ) ”رات کے تھوڑے حصے ميں سوتے تھے، اور اوقات سحر ميں بخشش مانگا کرتے تھے، اور ان کے مال ميں مانگنے والے اور نہ مانگنے والے (دونوں) کا حق ہوتا تھا“۔ کچھ اور لوگ نظر آئے جن کا حال يہ تھا، تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا ...

دعاء کی قبولیت کی محمدی گارنٹی دعاء سے قبل یه الفاظ ادا کرنے سے دعاء ضرور قبول ھوتی ھے اللھم انی اسئلک بانک انت الله لا اله الا انت الاحد الصمد الذی لم یلد ولم یولد ولم یکن له کفوا احد دلیل مسجد نبوی الشریف میں بیٹھا ایک شخص ان الفاظ سے دعاء مانگ رھا تھا تو آپ نے فرمایا قسم ھے اس ذات کی جس کے قبضے میں میری جان ھے جن الفاظ کے ساتھ یه دعاء مانگ رھا ھے اس کی دعاء رد نہیں کی جاۓ گی مقبولیت دعاء کیلئےمجرب نسخہ بعد از درود ابراہیمی یہ مسنون الفاظ ادا کریں اور پھر جو بھی دعاء مانگو گے ان شاء اللہ قبول ہو گی۔ گارنٹی محمد رسول اللہ صلی اللہ علیہ و آلہ وسلم کی ہے طالب الدعاء انجینئر نذیر ملک

فتوی براۓ خواتین سماحۃ الشیخ عبد العزیزبن عبد اللہ بن باز ؒ سابق مفتی اعظم سعودی عرب عورت اگرعصریا عشاء کے وقت حیض سے پاک ہوتوکیا اسے عصر کے ساتہ ظہراورعشاء کے ساتہ مغرب کی نمازیں بھی پڑھنا ہوگا ,کیونکہ بحالت عذران نمازوں کے درمیان جمع کیا جاتا ہے ؟ جواب: عورت اگرعصریاعشاء کے وقت حیض یانفاس سے پاک ہو تو علماء کے صحیح ترین قول کے مطابق اسے عصر کے ساتہ ظہراورعشاء کے ساتہ مغرب کی نمازبھی اداکرنا ضروری ہے ,کیونکہ دیرسے پاکی حاصل ہونے کیوجہ سے یہ بھی مسافراورمریض کی طرح معذور ہے , اورمعذور کیلئے دونوں نمازوں کا وقت ایک ہے ,صحابۂ کرام کی ایک جماعت کا یہی فتوى' ہے- طالب الدعاء انجینیئر نذیر ملک سرگودھا Please visit us at www.nazirmalik. com

نیا نہیں، پرانا پاکستان چاہئیے۔۔۔نی کاروبار نہیں رہے لیکن پیٹ کھانا مانگتا ہے گھر میں بیٹھتے ہیں تو بھوک سے مرتے ہیں اور باہر نکلتے ہیں تو کرونا سے مرتے ہیں جان پھنس گئی ہے کس عذاب میں۔ یا اللہ تعالی موجودہ عذاب سے چھٹکارا دے

کھرے کے ساتھ کھوٹا اگلی درگاہ کا ٹوٹا۔ حــــدیثِ رســـولﷺ ایک شخص نے عرض کی : اے اللہ کے رسول! میرے بعض رشتہ دار ایسے ہیں میں اُن سے تعلق جوڑتا ہوں مگر وہ مجھ سے تعلق توڑتے ہیں ، میں اُن کے ساتھ نیکی کرتا ہوں اور وہ میرے ساتھ بُرائی کرتے ہیں ، میں بردباری کے ساتھ اُن سے درگزر کرتا ہوں اور وہ میرے ساتھ جہالت کا سلوک کرتے ہیں ،آپ نے فرمایا :اگر تم ایسے ہی ہو جیسے تم نے کہا ہے تو تم ان کو جلتی راکھ کھلا رہے ہو اور جب تک تم اس روش پر رہو گے ،ان کے مقابلے میں اللہ کی طرف سے ہمیشہ ایک مددگار تمہارے ساتھ رہے گا      (صحیح مسلم) یا اللہ تعالی ہمیں اپنے رشتہ داروں کے حقوق ادا کرنے والا بنا دے۔  آمین یا رب العالمین طالب الدعاء انجینیر نذیر ملک سرگودھا Please visit us at www.nazirmalik.com

تخلیق انسان تحقیق و تحریر انجینیر نذیر ملک سرگودھا ہم اپنے دعوے کو سچا ثابت کرنے کے لئے قسم اٹھاتے ہیں تاکہ مد مقابل ہماری بات کا یقین کرلے۔ ذرا غور کریں کہ جب اللہ تعالی قسم کھاۓ تو بات اونچی چلی جاتی ہے اور طرہ یہ کہ ایک قسم نہیں، دو نہیں، تین نہیں بلکہ چار مسلسل قسمیں کھا کر جو دعوی اللہ تعالی کر رہے ہیں وہ یقینا" بہت ہی اہم ہو گا ذرا غور فرمائیے اللہ تعالی فرماتے ہیں انجیر کی قسم، زیتون کی قسم، طور سینا پہاڑ کی قسم، اور اس امن والے شہر یعنی مکہ کی قسم، اب ان چار قسموں کے بعد اللہ تعالی نے فرمایا کہ ہم نے انسان کو بہترین شکل(احسن تقویم) میں پیدا کیا۔ یعنی اللہ تعالی کی کائنات میں انسان سے بہتر کوئی اور مخلوق نہیں۔ فرشتوں نے آدم کو سجدہ کیا یہ بھی ہمارے باپ آدم علیہ سلام کی تکریم اور بنی نوع انسان کی ہر مخلوق پر برتری کا ثبوت ہے فرشتوں سے بہتر ہے انسان بننا مگر اس میں لگتی ہے محنت زیادہ اس کائنات میں جتنی بھی ترقی ہوئی ہے وہ ساری کی ساری بنی نوع انسان کی مرہون منت ہے۔ اللہ سبحان تعالی نے اس کائنات میں جو بھی سائینس، ٹکنالوجی، منطق یا حکمت بالغہ اور علوم استعمال کۓ ہیں وہ سب ک...

بے چینی کی دعا​ء لاَ إِلَهَ إِلَّا اللَّهُ العَظِيمُ الحَلِيمُ، لاَ إِلَهَ إِلَّا اللَّهُ رَبُّ العَرْشِ العَظِيمِ، لاَ إِلَهَ إِلَّا اللَّهُ رَبُّ السَّمَوَاتِ وَرَبُّ الأَرْضِ، وَرَبُّ العَرْشِ الكَرِيم ترجمہ اللہ کے علاوہ کوئی سچا معبود نہیں عظمت والا، بردبار ہے۔ اللہ کے علاوہ کوئی معبود برحق نہیں عرش عظیم کا رب ہے۔ اللہ کے علاوہ کوئی معبود برحق نہیں۔ آسمانوں کا رب ہے اور زمین کا رب ہے، عرش کریم کا رب ہے۔ (بخاری:6346، مسلم:2730) مریض کی دعاء وَإِذَا مَرِضْتُ فَهُوَ يَشْفِينِ(الشعرا) "جب میں بیمار پڑ جاؤں تو مجھے وہ شفاء عطا فرماتا ہے" یا اللہ تعالی ہمیں بےچینی کی کیفیت سے بچا، دل کا سکون، جسم کو راحت، چین کی نیند، رزق حلال اور آسان معاش عطا فرما۔ آمینبے چینی

وَإِذَا مَرِضْتُ فَهُوَ يَشْفِينِ (سورہ الشعراء) یہ ابراہیم علیہ السلام کی دعا ہے. اس میں ایک باریک نکتہ یہ ہےکہ حضرت ابراہیم علیہ السلام نے یہ نہیں کہا کہ جب وہ مجھے بیماری دیتا ہےتو وہی شفا دیتا ہے. بلکہ یہ کہا کہ جب “میں “بیمار پڑتا ہوں تو وہ شفا دیتا ہے. یعنی بیماری کے عمل کو اپنی جانب منسوب کیا اور شفا کو خدا سے منسوب کیا. یہی پیغمبروں کی خدا سے محبت اور ادب ہے جسے ہمیں ماننا ضروری ہے. بیماری کا اذن یعنی اجازت اللہ کی طرف سے ہوتی ہے لیکن بیماری کا سبب یا تو ہماری اپنی کوئی کوتاہی ہوتی یا خدا کی جانب سے آزمائش یا دونوں۔ جیسے سگریٹ پینے پر ہارٹ اٹیک کا ہونا ہماری اپنی کوتاہی ہے، حضرت ایوب علیہ السلام کا بیماری میں مبتلا ہونا آزمائش ہے وغیرہ۔ چونکہ ہم متعین طور پر نہیں جانتے کہ بیماری ہماری کسی کوتاہی کی بنا پر ہے یا خدا کی جانب سے، اس لیے اس کی نسبت اپنی ہی جانب کرکے اپنی کوتاہی تلاش کرنا اور اس کی اصلاح کرنا ہی درست رویہ ہے اور اس بیماری کا علاج کرنا بھی اس قبیل سے ہے الدعاء یا اللہ تعالی ہمیں بیماریوں سے محفوظ رکھ۔ اگر بیمار ہو جائیں تو ہماری کوتاہی معاف کرتے ہوئے ہمیں بیماریوں سے...

نبی کریم کی شب و روز عبادت صحیح البخاری کتاب: نکاح کا بیان باب: نکاح کی ترغیب کا بیان، کیوں کہ فرمان الہٰی ہے فانکحوا ماطاب لکم من النساء اس پر سند ہے۔ حدیث نمبر: 5063 حَدَّثَنَا سَعِيدُ بْنُ أَبِي مَرْيَمَ أَخْبَرَنَا مُحَمَّدُ بْنُ جَعْفَرٍ أَخْبَرَنَا حُمَيْدُ بْنُ أَبِي حُمَيْدٍ الطَّوِيلُ أَنَّهُ سَمِعَ أَنَسَ بْنَ مَالِکٍ رَضِيَ اللَّهُ عَنْهُ يَقُولُ جَائَ ثَلَاثَةُ رَهْطٍ إِلَی بُيُوتِ أَزْوَاجِ النَّبِيِّ صَلَّی اللَّهُ عَلَيْهِ وَسَلَّمَ يَسْأَلُونَ عَنْ عِبَادَةِ النَّبِيِّ صَلَّی اللَّهُ عَلَيْهِ وَسَلَّمَ فَلَمَّا أُخْبِرُوا کَأَنَّهُمْ تَقَالُّوهَا فَقَالُوا وَأَيْنَ نَحْنُ مِنْ النَّبِيِّ صَلَّی اللَّهُ عَلَيْهِ وَسَلَّمَ قَدْ غُفِرَ لَهُ مَا تَقَدَّمَ مِنْ ذَنْبِهِ وَمَا تَأَخَّرَ قَالَ أَحَدُهُمْ أَمَّا أَنَا فَإِنِّي أُصَلِّي اللَّيْلَ أَبَدًا وَقَالَ آخَرُ أَنَا أَصُومُ الدَّهْرَ وَلَا أُفْطِرُ وَقَالَ آخَرُ أَنَا أَعْتَزِلُ النِّسَائَ فَلَا أَتَزَوَّجُ أَبَدًا فَجَائَ رَسُولُ اللَّهِ صَلَّی اللَّهُ عَلَيْهِ وَسَلَّمَ إِلَيْهِمْ فَقَالَ أَنْتُمْ الَّذِينَ قُلْتُمْ کَ...

مسئلہ باغ فدک ایک اہل تشیع اپنےمسلک کےاعتبارسےبڑےعلمی گھرانےسےتعلق رکھتاتھا۔ اس کےپاس کافی معلومات بھی تھیں ۔اس کےبقول میرے ان سوالات کاجواب کسی مولوی کےپاس نہیں ہے۔ میں نےاس سےجب ملاقات کی تواسکی ہرہراداسے گویاعلماءسے حتّٰی کہ صحابہ کرامؓ سےبھی نفرت وحقارت کی جھلک واضح تھی۔ میں نے میزبان ہونےکی حیثیت سے بڑےاخلاق سےانہیں بٹھایا۔تھوڑی دیر حال ،احوال دریافت کرنے کےبعد گفتگوشروع ہوگئی۔ اس کاپہلاسوال ہی بزعم خودبڑاجاندارتھا اوروہ یہ کہ تم ابوبکر(رضی اللہ عنہ)کونبی ؐکاخلیفہ کیوں مانتے ہو؟۔ ہم تو ابوبکرصدیق(رضی اللہ عنہ)کو خلیفہ رسولؐ اسلیےنہیں مانتےکہ انہوں نےسیدہ کائنات،خاتون جنت کوان کاحق نہیں دیاتھا۔بلکہ ان کاحق غصب کرلیاتھا۔ میں نےکہاذراکھل کربولیں جوآپ کہناچاہ رہےہیں۔اوراس حق کی وضاحت کردیں کہ وہ حق کیاتھا؟۔ کہنےلگاوہ ،باغ فدک؛ جوحضورؐنےوراثت میں چھوڑاتھا۔وہ حضورؐ کی صاحبزادی حضرت فاطمہ ؓکوملناتھا۔لیکن وہ باغ انہیں ابوبکرؓنےنہیں دیاتھا۔ یہ صرف میرادعوی ہی نہیں بلکہ میرے پاس اس دعوےہرمسلک کی کتابوں سے ایسےوزنی دلائل موجود ہیں جنہیں آپ کاکوئی عالم جھٹلانہیں سکتا۔ یہ بات اس نےبڑےپراعتمادا...

برادرم ہر حلال جانور کی قربانی نہیں ہو سکتی، گاۓ اور بھینس دو علیحدہ علیحدہ نسلیں ہیں اسی وجہ سے ان کا کراس بھی نہیں ہوتا۔ بھیڑ اور دنبے کا کراس ہو جاتا ہے مذید یہ کہ کیا یہ آٹھ جوڑے قربانی کے لئے کم ہیں؟ جبکہ یہ جانور آسانی سے دستیاب بھی ہیں تو کیا یہ ضروری ہے کہ خامخواہ اپنی یا اپنے علماء اکرام کی بات کو سچا ثابت کرنے کے لئے مشکوک جنس کی طرف جایا جائے۔ اگر آپ سمجھتے ہیں کہ علماء اکرام کو شریعت میں تبدیلی کا حق حاصل ہے؟ تو یاد رہے کہ اگر پوری امت مسلمہ شراب کو حلال قرار دے تب بھی شراب حلال نہ ہوگی۔ مسلمانو! جو دین نبی کریم لے کر آئے تھے اسے ہی دین رہنے دیا جائے۔ دین کے اصولوں کو بدلنے کی کوشش نہ کی جائے وگرنہ ہم راہ گم گشتہ ہو جائیں گے۔ مسلمانوں پر زوال تو آ چکا ہے کم از کم دینی عبادات کو تو اصلی حالت میں رہنے دیا جاۓ۔ یا اللہ ہمیں دین میں نت نئی خرافات سے بچا۔ آمین یا رب العالمین احقر الناس انجینیر نذیر ملک سرگودھا

ایک غیر سیاسی تبصرہ پی آئی اے کے پائلٹس کے جعلی لائسنس کا قضیہ حکومت کی کوئی چال لگتی ہے جس سے ان کا مقصد سابقہ حکومتوں کو بدنام کرنا اور اپنے چہیتے لوگوں کو آگے لانا ہے لیکن اس ساری گیم میں قومی ادارے کو نا قابل تلافی نقصان پہنچا ہے اور پاکستان کی ساکھ خراب ہوئی ہے۔ جب قوم کے رہبر ہی راہزن ہو جائیں تو ملک و قوم کیسے ترقی کر سکتی ہے؟ حکومت کو چاہیئے کہ اب اپوزیشن کی بیخ کنی کا منفی رویہ ترک کر دیں اور اپنی تمام تر قوتیں ملکی ترقی پر لگا دیں۔ اپنا اور قوم کا وقت ضائع نہ کری کیونکہ نام کمانے کا ان کو ایک اچھا موقع ہاتھ آیا ہے اور اگر یہی حال رہا تو بھول جائیں کہ ان کی حکومت دوبارہ آۓ گی۔ ایک سینئیر سیٹیزن

حضرت نوح کی خواہش حضرت نوح علیہ السلام کی عمر تقریباً 950 سال تھی. وہ جس جھونپڑی میں رہتے تھے وہ اتنی چھوٹی تھی کہ جب آپ سوتے تو آدھا جسم اندر اور آدھا جسم باہر ہوتا. جب حضرت عزرائیل علیہ السلام روح قبض کرنے آئے تو پوچھا آپ نے اتنے سال اس جھونپڑی میں گزار دئیے آپ چاہتے تو اچھا گھر بنا سکتے تھے؟ حضرت نوح علیہ السلام نے جواب دیا کہ: "میں نے تمہارے انتظار میں اتنا عرصہ گزار دیا" ملک الموت نے کہا: ایک وقت ایسا بھی آئے گا جب لوگوں کی عمریں سو سال سے بھی کم ہوں گی اور وه بڑے بڑے محل بنائیں گے اس پر حضرت نوح علیہ السلام نے فرمایا اگر میں اس زمانے میں ہوتا تو اپنا سر سجدے سے ہی نہ اٹھاتا دوستو! اس زندگی کو قیمتی بنائیں، اللہ اور اس کے رسول صلی اللہ علیہ وسلم کی اتباع میں زندگی گزاریں. یا اللہ تعالی ہمیں کتاب اللہ اور سنت نبی صلی اللہ علیہ والہ وسلم کے مطابق زندگی گزارنے کی توفیق عطا فرما۔ آمین یا رب العالمین طالب الدعاء انجینیئر نذیر ملک سرگودھا Please visit us at www.nazirmalik.com

صداقت کا پھل ایک سلطان نے شادى كا اراده كيا تو اس نے تمام شہزاديوں كو جمع كر كے ان كو كچھ بيج ديئے اور كہا کہ تم ميں سے جو بهى 6 ماه بعد گلاب كا پهول لے كر آئے گی وھی ميرى زوجہ اور سلطنت كى ملكہ ھوگی 6 ماه گزرنے كے بعد تمام شہزادياں ھاتهوں ميں پهول اٹهائے محل ميں حاضر هو گئيں،كچھ كے ھاتھ ميں سرخ ، كچھ كے ھاتھ ميں پيلے غرض ھر ايک كے ھاتھ ميں الگ ھی رنگ كے پهول تهے سوائے ان ميں سے ايک كے كہ جس كے ھاتھ ميں كوئى بهى پهول نہيں تها۔ بادشاه نے اس سے دريافت كيا كہ تمهارے پهول كہاں ھیں تو اسنے جواب ديا كہ اے سلطان آپ نے ہميں جو بيج ديئے تهے وه گلاب كے نہيں تهے سلطان كو شہزادى كا جواب اور اسكى صداقت پسند آئى اور اس سے شادى كر كے اسے ملكہ سلطنت كے خطاب سے نواز ديا

ارشاد باری تعالی ہے اور اللہ تعالٰی ہی کے پاس ہیں غیب کی کنجیاں (خزانے) ان کو کوئی نہیں جانتا بجز اللہ تعالٰی کے اور وہ تمام چیزوں کو جانتا ہے جو کچھ خشکی میں ہے اور جو کچھ دریاؤں میں ہے اور کوئی پتا نہیں گرتا مگر وہ اس کو بھی جانتا ہے اور کوئی دانا زمین کے تاریک حصوں میں نہیں پڑتا اور نہ کوئی تر اور نہ کوئی خشک چیز گرتی ہے مگر یہ سب کتاب مبین میں ہیں(الانعام نسخہ کیمیا ایسے لوگ جو دشمنوں کے شر کی وجہ سے جانی و مالی نقصان کے اندیشوں میں گرفتار ہوں اور انہیں نقصان اٹھانا پڑتا ہو،خود کو مغلوب اور تنہا و بے یارومددگار سمجھتے ہوں۔ نمازکے بعد سجدہ کی حالت میں یہ دعاء پڑھیں۔ رَبَ اَنیِ مَغلْوب فَانتَصِر میرے رب! میں بے بس ہوں تو میری مدد فرما۔ طالب الدعاء نذیر ملک

سجدہ سہو، احکام و مسائل تلخیص: انجینیئر نذیر ملک دوران نماز اگر نمازی سے کچھ بھول چوک ہو جائے اور وہ بھول بھی ایسی ہو کہ نماز کا کوئی رکن نہ چھوٹا ہو مثلاً قیام یا رکوع و سجود ہی نہ چھوٹ جائیں کہ جن کے بغیر نماز ہی نہیں ہوتی اور جن کی ادائیگی کے سوا کوئی چارۂ کار ہی نہیں ۔ بعض دیگر امور میں بھول ہو جائیں تو اس کا ازالہ نماز کے آخر میں دو سجدے کرنے سے ہو جاتا ہے جنہیں ’’سجدئہ سہو‘‘ کہا جاتا ہے۔ نماز کو پوری توجہ سے ادا کرنا اور اِدھر اُدھر کے خیالات سے بچنا باعث فضیلت و اجر ہے لیکن اس کے باوجود بھی انسان سے بھول چوک ممکن ہے۔ عام انسان تو کجاخیر البشر حضرت محمد سے بھی بعض اوقات نماز میں بھول ہو جایا کرتی تھی جس کاعلم صحیح احادیث میں مذکور متعدد واقعات سے ہوتا ہے جیسا کہ صحیح بخاری و مسلم ابو دائود، نسائی، ابن ماجہ اور مسند احمد میں ارشادِ نبوی ہے: ’’میں بھی تمہاری طرح کا ایک انسان ہوںاور جس طرح تم بھول جاتے ہو مَیں بھی بھول جاتا ہوں لہٰذا جب میں بھول جائوں تو مجھے یاد دہانی کرا دیا کرو۔‘‘ صحیح مسلم میں ارشادِ نبوی ہے: ’’جب کوئی شخص اپنی نماز میں کمی یا زیادتی کر جائے تو اسے چاہئے کہ (نم...

حوطہ بنی تمیم ایک توحیدی شہر جہاں یہ ٹینکر جلا ہے اور یہ معجزہ ہوا کہ نبی کریم کا نام جلنے سے بچا ہے۔ یہاں پر بنی تیم کے لوگ آباد ہیں حوطہ بنی تمیم سعودی عرب کا وہ عظیم شہر ہے جو اہل توحید کا گڑھ ہے اور اسے مطوعوں کا شہر بھی کہتے ہیں کیونکہ یہ شہر دو اہم دینی شخصیات کی جاۓ پیدائش ہے۔ ایک شیخ عبدلوہاب نجدی جس کے پیروکار وہابی کہلاتے اور دوسرے شیخ عبداللہ بن باز ہیں جو مفتی اعظم سعودی عرب تھے یہ شہر الخرج سے وادی دواسر جانے والی شاہراہ پر واقع ہے اور اس شہر کی چار اہم خوبیاں ہیں ایک تو یہاں پر نہ کوئی سگریٹ پیتا اور نہ ہی یہاں سگریٹ بیچتا ہے دوسرے یہ کہ یہاں پر سب مرد داڑھی والے ہیں انتہا یہ کہ یہاں پر کوئی بھی حجام داڑھی یعنی شیو نہیں بناۓ گا چاہے آپ اسکو کتنا ہی معاوضہ آفر کریں۔ اس شہر کی تیسری خوبی یہ ہے کہ یہاں مرد و زن سو فی صد نمازی ہیں اور چوتھی خوبی یہ کہ خواتین بدون ہونے کے باوجود سو فی صد با پردہ ہیں۔ حال ہی میں اس شہر میں خام تیل کے وسیع ذخائر ملے ہیں اللہ کرے مسلمانوں کے سارے شہر توحیدی اور مذھبی ہوں تو معجزے آج بھی ہو سکتے ہیں اتر سکتے ہیں فرشتے تیری نصرت کو آج بھی قطار اندر...

اختلافی مسائل سلف صالحین اور بعض مسائل میں اختلاف تحریر:  محدث العصر حافظ زبیر علی زئی رحمہ اللہ الحمد للّٰہ ربّ العالمین والصّلٰوۃ والسّلام علٰی رسولہ الأمین، أما بعد: بعض لوگ اپنے خُفیہ مقاصد کے لئے بعض اہلِ حدیث (اہلِ سنت) علماء کے درمیان چند مسائل میں اختلافات کو بڑھا چڑھا کر  پُلَندوں  کی شکل میں اس انداز سے پیش کرتے ہیں، گویا کہ کفر و اسلام کا مسئلہ ہو، حالانکہ بعض اجتہادی مسائل میں اختلاف ہو جانا حرام نہیں بلکہ جائز ہے۔ اہلِ سنت کا اتفاق ہے کہ صحابۂ کرام رضی اللہ عنہم اجمعین اہلِ حق، طائفۂ منصورہ اور جَنتی جماعت ہے اور اسی طرح اُن کے متبعین باحسان تابعینِ عظام رحمہم اللہ اجمعین بھی اہلِ حق اور طائفہ منصورہ ہیں۔ اہلِ حق اور طائفۂ منصورہ ہونے کے باوجود صحابہ اور تابعین کا کئی مسائل میں اختلاف تھا، جس کی تفصیل شاہ ولی اللہ احمد بن عبد الرحیم الدہلوی (متوفی 1176ھ) کی کتاب: ’’حجۃ اللہ البالغہ‘‘ میں دیکھی جا سکتی ہے۔ (ج1ص 140۔144، باب اسباب اختلاف الصحابۃ والتابعین فی الفروع) امام ابو عیسیٰ الترمذی رحمہ اللہ نے نمازِ مغرب سے پہلے دو رکعتوں کے بارے میں فرمایا: ’’و قد اختلف أصحاب النبي ...